" മയക്കം കൊടുത്തതിന്  അയ്യായിരം രൂപ ബില്ലിൽ ഇട്ടിരിക്കുന്നു .. എന്തൊരു അറവാണ്  ഇത് ?  ഇതിലും നല്ലത് ബ്ലേഡ് കമ്പനി നടത്തുകയാണ് " -  പണ്ടൊരിക്കൽ  ഒരു സ്വകാര്യ ആശുപത്രിയുടെ  വരാന്തയിലൂടെ  നടക്കുമ്പോൾ  യാദൃശ്ചികമായി  കേട്ടതാണ് .  ഒരു സർജറിക്ക് അനസ്തേഷ്യ കൊടുത്തതിന്റെ  ബില്ലിനെപ്പറ്റിയാണ്  അവർ പറഞ്ഞു കൊണ്ടിരുന്നത്. 

എനിക്കിത് വിചിത്രമായി തോന്നി.  അനസ്തേഷ്യ വിദഗ്ദർ ചെയ്യുന്നതെന്തെന്ന്  നാട്ടുകാർ അറിയുന്നില്ലല്ലോ . 

ഡോക്ടർ മുരളിധരൻ  എഴുതിയ പുസ്തകം  വായിച്ചപ്പോഴാണ്  എനിക്കും പലതും അറിയില്ലായിരുന്നു എന്ന്  മനസിലാകുന്നത്.  ജനങ്ങളുമായി അധികം ബന്ധമൊന്നുമില്ലാത്ത ഒരു സ്പെഷാലിറ്റി ആണ്   അനസ്‌തേഷ്യോളജി  എന്നാണ്  കരുതിയിരുന്നത്.  ഡോക്ടർ മുരളീധരൻ   തന്റെ അനുഭവങ്ങളും സ്മരണകളും ഹൃദ്യമായി എഴുതിയിരിക്കുന്നു . . 

എന്ന് വെച്ച് ഇതിൽ അനസ്തേഷ്യ മാത്രമാണ്  ഉള്ളതെന്ന് വിചാരിക്കേണ്ട.   തന്റെ കുട്ടിക്കാല ഓർമ്മകളും  താൻ പഠിച്ച കലാലയത്തിലെ  അനുഭവങ്ങളും അത് പോലെ മനോഹരമായി പുസ്തകത്തിലാക്കിയിട്ടുണ്ട് ..