വധശിക്ഷ

തൂക്കിക്കൊല്ലുന്നതിന് പകരം വേദനയില്ലാത്ത മരണം ഉറപ്പാക്കുന്ന കൂടുതൽ മാനുഷികമായ വധശിക്ഷാ രീതികളെക്കുറിച്ച് പഠിച്ച് അറിയിക്കാൻ കേന്ദ്രസർക്കാരിന് സുപ്രീംകോടതി നിർദ്ദേശം നല്‌കിയിരിക്കുകയാണ്.

കൂടുതൽ  മാനുഷികമായ  വധശിക്ഷ ഏതായിരിക്കും ? 

ഷോക്കടിപ്പിക്കൽ , തല വെട്ടൽ , വെടി  വെക്കൽ  എന്നിവയൊക്കെയാണ്  പല രാജ്യങ്ങളിലും വധശിക്ഷ നടപ്പാക്കാൻ ഉപയോഗിച്ചിരുന്നത് .  വിഷവാതകം , മരുന്ന് കുത്തി വെക്കൽ  എന്നിവയുടെ ചരിത്രവുമുണ്ട് .

എളുപ്പത്തിൽ നടക്കുന്നതും  വേദനാരഹിതമായതും  ഇക്കൂട്ടത്തിൽ  തൂ ക്കിക്കൊല്ലൽ തന്നെയായിരിക്കും.  . 

തല  വെട്ടുന്ന പരിപാടിയെക്കുറിച്ച്  ഒരു സാഹിത്യകാരൻ എഴുതിയത് വായിച്ചിട്ടുണ്ട് .  തികച്ചും അപ്രതീക്ഷിതമായിട്ടാണ്  പ്രതിയുടെ തല വെട്ടി ശിക്ഷ നടപ്പാക്കുന്നതെന്നാണ്  അദ്ദേഹം പറയുന്നത്. പ്രതിയെ മുൻ കൂട്ടി അറിയിക്കില്ലത്രേ. ഒറ്റ വെട്ടിന് തല അറ്റുപോകുമെന്നാണ് .  എങ്കിലും അത് കൂടുതൽ മാനുഷികമായ ഒരു രീതിയാണെന്ന് ആരും പറയാനിടയില്ല. 

ലോകത്തെ മിക്ക രാജ്യങ്ങളും  അപരിഷ്കൃതമെന്ന്  കണ്ട്  വധശിക്ഷ തന്നെ നിർത്തലാക്കിയിരിക്കുയാണ് . നമ്മൾ അത് കൂടുതൽ അന്തസായി എങ്ങനെ നടത്താമെന്ന ആലോചനയിലാണ് .

ആൾക്ക് അനസ്‌തേഷ്യ കൊടുത്ത്  മരുന്ന് കുത്തി വെച്ച് ഹൃദയം നിലപ്പിക്കാനുള്ള  നിർദ്ദേശമൊന്നും  വരില്ലെന്ന് പ്രതീക്ഷിക്കുന്നു .