സിസ്റ്റർ

 ഡോക്ടർമാർക്ക്  തല്ല് കിട്ടണം എന്ന് തന്നെയാണ്  മിക്കവാറും പോസ്റ്റുകളും കമന്റുകളും പറഞ്ഞത്.  അതിന് ഓരോരുത്തർക്കും  അവരുടെ കാരണങ്ങളും കഥകളുമുണ്ട് .  അത്തരം ഒരു പോസ്റ്റിൽ കണ്ട ഒരു കമന്റ്  കൗതുകകരമായി . 

ലേഡി ഡോക്ടറെ  സിസ്റ്റർ എന്ന് വിളിച്ചപ്പോൾ  അവർ ദേഷ്യപ്പെട്ടു എന്നാണ് പരാതി.

ഇന്ന് മെഡിക്കൽ കോളേജിൽ   ഡോക്ടർ ആകാൻ പഠിക്കുന്നവരിൽ  പെൺകുട്ടികൾ ആണ്  ഭൂരിപക്ഷം.  എം ബി ബി എസ്  അഡ്മിഷൻ കിട്ടുക  , ഈ പരീക്ഷകൾ എല്ലാം ഒന്ന് പാസായി ഡോക്ടർ ആകുക  എന്നിവ  ഒരു വിധം നല്ല  കഷ്ടപ്പാട് ഉള്ള ഒന്നാണ് . ആൺകുട്ടികൾ പഠിക്കുന്ന അത് തന്നെയാണ് പെൺകുട്ടികളും പഠിക്കുന്നത്.  ഒരു പക്ഷെ  നമ്മുടേത് പോലെ ഒരു സ്ത്രീ വിരുദ്ധ സമൂഹത്തിൽ ആണ്കുട്ടികളേക്കാൾ എല്ലാ കാര്യങ്ങളിലും  കൂടുതൽ ബുദ്ധിമുട്ട് അനുഭവിക്കുന്നത് പെൺകുട്ടികൾ ആയിരിക്കും.  

അങ്ങനെ കഷ്ടപ്പെട്ട്  ജയിച്ചു വരുന്ന  സ്ത്രീകളെ അംഗീകരിക്കാൻ  ആളുകൾക്ക് മടിയാണ് .  അത് കൊണ്ട് അവരെ ഡോക്ടർ എന്ന് വിളിക്കുന്നത്  ഒഴിവാക്കുന്നു.  അതെ സമയം  ആൺ ഡോക്ടർമാരെ ആരും ബ്രദർ എന്നൊന്നും വിളിക്കാറില്ല. .  അവരെയെല്ലാം ഡോക്ടർ എന്നോ സാർ എന്നോ ഒക്കെയേ വിളിക്കാറുള്ളൂ . 

സിസ്റ്റർ എന്ന് വിളിച്ചതിന്  ഡോക്ടർക്ക് ദേഷ്യം പിടിച്ചെങ്കിൽ  നന്നായിപ്പോയി എന്നേ പറയാനുള്ളൂ ..