നെഞ്ചു വേദനയുമായി രാവിലെ ഒരു ചെറുപ്പക്കാരൻ ഓ പി യിൽ എത്തുന്നു. നോക്കുമ്പോൾ അത് ഹൃദയത്തിൽ നിന്നുള്ള ഒരു വേദനയാണെന്ന് പറയാൻ ഒരു കാരണവുമില്ല. മാസപേശികളിൽ നിന്നുള്ള വേദനയാണ് . അതിനു കാരണവുമുണ്ടായിരുന്നു. എങ്കിലും നെഞ്ചു വേദനയല്ലേ ? ഒരു ഇ സി ജി എടുപ്പിച്ചു . അത് നോക്കിയപ്പോൾ ഹൃദയാഘാതമെന്ന് അതിന്റെ മുകളിൽ യന്ത്രം ഡയഗ്നോസിസ് എഴുതി വെച്ചിട്ടുണ്ട് . ഇ സി ജി നോക്കിയപ്പോൾ പക്ഷെ അങ്ങനെയൊന്നും കാണിക്കുന്നില്ല. യുവാവാണെങ്കിൽ ആരോടോ , ടെക്നീഷ്യനോട് തന്നെയാണെന്ന് തോന്നുന്നു , എന്താണ് സംഭവമെന്ന് അറിഞ്ഞിട്ടുമുണ്ട് . ആകെ പരിഭ്രമിച്ചിരിക്കുന്നു. അയാൾ വിയർക്കുന്നുണ്ട് . ആരെയൊക്കെയോ വിളിക്കുന്നുണ്ട് .
ആർട്ടിഫിഷ്യൽ ഇന്റെല്ലിജെൻസ് ഡോക്ടറുടെ ജോലി വിസ്ഥാപിക്കും എന്ന് കുറേക്കാലമായി കേൾക്കുന്നുണ്ട് . ഡോക്ടർമാർക്ക് പണിയില്ലാതാകുമത്രേ. റേഡിയോ ഡയഗ്നോസിസ് വിഭാഗം ഡോക്ടർമാരെ ആദ്യമായി ബാധിക്കും എന്നൊക്കെ പറയുന്നു. സ്കാനിങ് മെഷീൻ തന്നെ രോഗം പറഞ്ഞു കൊടുക്കും . പിന്നെ ഡോക്ടർക്ക് എന്ത് പണി ?
എന്തായാലും ഒരു ഇ സി ജി വായിക്കാൻ പോലും അറിയാത്ത യന്ത്രം എന്റെ ജോലി കളയുന്നത് അടുത്ത കാലത്തൊന്നും ഉണ്ടാകാൻ പോകുന്നില്ല എന്നതാണ് എന്റെ തോന്നൽ . . രണ്ട് തലമുറ അപ്പുറം ഉണ്ടായാൽ ആയി.
No comments:
Post a Comment