വയനാട്ടിലെ തിരുനെല്ലി എന്ന വനഗ്രാമവും തിരുനെല്ലി ക്ഷേത്രവും സ്ഥിതി ചെയ്യുന്നത് ബ്രമ്ഹഗിരി എന്ന മലയുടെ താഴ്വരയിലാണ് . ബ്രഹ്മാവ് ഈ മലയുടെ മുകളിൽ യാഗം നടത്തി എന്ന് വിശ്വാസം. ബ്രഹ്മഗിരി എന്ന പേര് അങ്ങനെ വന്നതാണത്രേ. മലമുകളിൽ ബ്രഹ്മാവ് യാഗം ചെയ്തുകൊണ്ടിരിക്കുമ്പോൾ , താഴെ ഒരു നെല്ലിമരത്തിനു മുകളിൽ വിഷ്ണു പ്രത്യക്ഷപ്പെട്ടു എന്നും അവിടെ ബ്രഹ്മാവ് ഒരു ക്ഷേത്രം പണിതു എന്നും ഭക്തന്മാർ വിശ്വസിക്കുന്നു. ഇപ്പോഴും ബ്രഹ്മാവ് എല്ലാ രാത്രിയിലും അമ്പലത്തിൽ വന്നു വിഷ്ണുഭഗവാനെ പൂജിക്കുന്നു .
മറ്റൊരു കഥ കൂടെ കേൾക്കാറുണ്ട് . മൂന്നു ബ്രാഹ്മണർ മൈസൂരിൽ തീർത്ഥയാത്ര പോയപ്പോൾ വഴി തെറ്റി ഈ സ്ഥലത്ത് എത്തിപ്പെട്ടുവെന്നും അവിടെ ധാരാളമുള്ള കാട്ടുനെല്ലിക്ക തിന്ന് അവർ വിശപ്പും ക്ഷീണവും അകറ്റിയെന്നും അതിനാൽ അവർ തിരുനെല്ലി എന്ന് ആ സ്ഥലത്തിന് പേരിട്ടു എന്നും ഒരൈതിഹ്യം.
നമ്മുടെ മിക്കവാറും ഐതിഹ്യങ്ങളിൽ ബ്രാഹ്മണർ ഒരു കഥാപാത്രമാണല്ലോ ?
കൊട്ടിയൂരിൽ നിന്നും തിരുനെല്ലിക്കുള്ള ഭൂമിക്കടിയിലൂടെയുള്ള തുരങ്കത്തിന്റെ കഥ ഞാൻ മറന്നു പോയി..
No comments:
Post a Comment