എടമലക്കുടി

എടമലക്കുടിയിൽ  നിയമനം കിട്ടുന്ന  ഡോക്ടർമാർ  ജോലിയിൽ പ്രവേശിക്കുന്നില്ലെന്നാണ് വാർത്ത.  ഫാമിലി ഹെൽത്ത് സെന്ററിലേക്ക്   പി എസ്  സി വഴി നിയമനം ലഭിച്ച  ഡോക്ടർമാർ  ആ ജോലി വേണ്ടെന്ന് വെച്ചു  . 

പി എസ്  സി ലിസ്റ്റിൽ  ദുർഘട പ്രദേശങ്ങളിൽ ജോലി ചെയ്യാൻ  താല്പര്യമുള്ള ധാരാളം പേരുണ്ടാകും.  പക്ഷെ നമ്മുടെ നിയമന രീതി മൂലം അവർക്കൊന്നും കിട്ടുകയുമില്ല.

ഒരു  പരീക്ഷ വഴിയാണല്ലോ  പി എസ് സി  ലിസ്റ്റ് ഉണ്ടാക്കുന്നത് .  ഒരു ഒബ്  ജ  ക്ടീവ് ടൈപ്  പരീക്ഷയാണ് ഇപ്പോൾ നടത്തുന്നത്.  അതിന്റെ  കുഴപ്പമെന്താണെന്ന്  വെച്ചാൽ  സർക്കാർ സർവീസിലൊന്നും താല്പര്യമില്ലാത്ത ധാരാളം പേര് ലിസ്റ്റിൽ വരും. പ്രത്യേകിച്ചും  പി ജി പ്രവേശനപരീക്ഷക്കൊക്കെ  കഠിനമായി പ്രവർത്തിക്കുന്ന  ഡോക്ടർമാർ .   അവർ ലിസ്റ്റിൽ മുകളിൽ വരുകയും അതെ സമയം  എം ഡി  പ്രവേശന  പരീക്ഷകളിലും ലിസ്റ്റിൽ വരുകയും ചെയ്യും.   സ്വാഭാവികമായും പോസ്റ്റിങ്ങ് ലഭിക്കുന്ന  അവരൊന്നും ജോലിയിൽ  പ്രവേശിക്കാതിരിക്കുകയും ചെയ്യുന്നു.  ജോലിയിൽ ചേർന്നിട്ട്  അത്  വിട്ടു പോയി വിദേശങ്ങളിലൊക്കെ  ജോലി ചെയ്യുന്ന ദ്രോഹികൾ വേറെയുമുണ്ട്.   സർക്കാർ ജോലിക്ക്  താല്പര്യമുള്ള പലർക്കും അത് കിട്ടാതിരിക്കുകയും ചെയ്യും. 

അതിനാൽ ദുർഘട പ്രദേശങ്ങളിലും  കാടുകളിലും   ഒക്കെ  പ്രത്യേക നിയമനം  നടത്തുകയാണ്  നല്ലത്.  അങ്ങനെയെങ്കിൽ അവിടെയൊക്കെ ജോലി ചെയ്യാൻ താല്പര്യമുള്ളവർക്ക്  ജോലി  കിട്ടുന്ന ഒരു സ്ഥിതി വരും..