Thursday, June 22, 2017

COREX

കുറച്ച് ഹൌസ് സർജൻമാർ വട്ടം കൂടിയിരുന്നു കാര്യമായി എന്തോ ചെയ്യുമ്പോഴാണ് ഒരു മെഡിക്കൽ റെപ്രസന്റേറ്റീവ് അങ്ങോട്ട് ഇടിച്ച് കയറിയത്. അയാൾ ചെറുപ്പമായിരുന്നു. പുതിയ ആളുമാണെന്ന് തോന്നി .
തിരക്കിലായതിനാലോ അതോ അതിക്രമിച്ച് കയറിയത് ഇഷ്ടപ്പെടാത്തതിനാലോ എന്തോ ഡോക്ടർമാർ അയാളെ കാര്യമാക്കുന്നില്ല. പക്ഷെ, ആ ചെറുപ്പക്കാരൻ തനിക്ക് പറയാനുള്ളതെല്ലാം പറയുന്നുണ്ട് ,
മഴക്കാലമാണ് . ചുമക്സ് എന്ന കഫ് സിറപ്പാണ് അയാൾക്ക് വിറ്റഴിക്കേണ്ടത് . അയാൾ എല്ലാം പറയുന്നുണ്ട് . അതിന്റെ കോമ്പിനേഷൻ , അളവ് , വില, എല്ലാം. അവസാനം അയാൾ പറഞ്ഞു - ' ചുമക്സ് കഫ് സിറപ്പ് , ഓർത്തിരിക്കാൻ വളരെ എളുപ്പമാണ് ഡോക്ടർ , ചുമക്ക് ചുമക്സ് , അങ്ങനെ മനസിലിരുത്തിയാൽ മതി'..
ആകെ മുഷിഞ്ഞിരുന്ന ഒരു ഹൌസ് സർജൻ തിരിച്ചടിച്ചു - ' കോരക്സ് കഫ് സിറപ്പ് ആണ് ഞങ്ങളുടെ ബ്രാൻഡ് .. കൊരക്ക് കോറക്സ് , അതാണ് ഞങ്ങളുടെ മുദ്രാവാക്യം..'
കോഴിക്കോട്ടുകാർ ചുമയ്ക്കാറില്ല, കുരയ്ക്കാറേയുള്ളൂ...